Nilen Parmawi Birthday Laksawng_Motor Dawhte A Ngah
Nilen Parmawi
TCP Hakha: 2019 January 25| Myanmar Idol Session-3 ah Top 5 le tamhthiamnak lei ah Loreal Paris Myanmar zuamnak ah Top 3 tiang a lutmi Nilen Parmawi cu January 25 (Kum 24 tlinnak) a birthday caah ‘We Love Nilen’ timi thapetu phu (fan group) minung 20 tluk nih tangka an ithawh i sing thong man a simi Motor dawhte Toyota Celica (Piangka) an cawkpiak tiah theih a si.
“Hi Birthday laksawng ka ngahmi cungah ka mang maw ka cang dah? Ka birthday laksawng caah keimah thape zungzaltu hna nih chuahni laksawng (Birth Surprise) nan ka pekmi cungah molh ka tim, ka lawmhtuknak ah zei chim awk ka hngallo. Ka lawmtuk! Ka nuamh bik ni a si. Pathian nih thluachuah in pe hna seh! Birthday thlacampiaktu nan zapi cungah ka lawm” tiah a Facebook Timeline ah a lawmhnak a langhter.
“ Ka lawmh tuknak ah chim awk ka thei lo” tiah Nilen Parmawi nih The Chinland Post ah a chim.
Nilen Parmawi cu USA Indianapolis i tuah dingmi Chin National Day ah sawm a si i, 2019 January 29 ah Visa a lut lai ti zong theih a si.+++
About The Author
