NLD MP 350 Renglo Report An Tong

0

City Hunter| 2018 May 29| Atu lio cozah nawlngeitu NLD (National League for Democracy) central committee karhchap in ser an timhnak kong May 26 ah tuahmi central party tonpumhnak ah biakhiahnak an tuah. Cu pin ah report a tongmi NLD party in MP 350 renglo chekhlatnak an tuah tiah theih a si.

“Report a tongmi MP hna chekhlat tuahnak ah atu lio cu eihmuarnak a tuah timi hmuhchuahmi an um rih lo. Asinain, tangka cohlannak kong ah hmakhatte ah pek colh lo in caankarlaknak tangka hman chungnak lei a hoihmi sualnak tu cu kan hmuh. Hi zong hi hmakhatte ah dantatnak kan tuah colh hna” tiah NLD party in chimnak nawlngeitu Dr. Myo Nyunt nih a chim.
Ramthen le ramkulh kip in central committee chungtel zapi 30 hrawng in karhchap ding ah central committee meeting ah biakhiahnak an tuah.

Cu pin ah 2018 caankarlaknak thimnak ah NLD party cu a lawngmi thimfung hmun zapi ah thimnak i cuh ding le aa cuhtu ding palai thimnak he pehtlai in anmahte in peng, pengkomh le ramkulh/ramthen hoih in thimnak nawl pek an si lai tiah Dr. Myo Nyunt nihcun a chimchih.

Caankarlanak ah NLD party in palai thimnak dingmi cu nu le mino hi papek an si lai tiah theih a si.

Ref: BBC Burmese

About The Author

Na ruahning rak langhter ve.. (Leave a comment)

%d bloggers like this: