NLD nih Ayeyarwady ah party chungtel an phauh dih hna; CNLD nih Thantlang ah party lutlai an phuah ve hna

TCP Hakha — Ayewarwady ramthen Wakema peng i National League for Democracy (NLD) le Thantlang peng Chin National League for Democracy (CNLD) lutlai phuah an tong tiah theih a si. 

Ayeyarwady ramthen Wakema peng i National League for Democracy (NLD) riantuantu chungtel (EC) vialte cu an phuah dih hna tiah DVB TV thawngzamhnak nih July 13 a thanh.

Hika ah DVB nih thanhmi zoh khawh a si:LINK

Hitin Ayeyarwady pengthen i NLD kongkau thawngpang a len lio ah, Chin miphun party tiah ruahmi Pu Ngai Sak (Chairman) le Salai Ceu Bik Thawng (Secretary) nih an hruai lio mi Chin National League for Democracy (CNLD), Thantlang peng ah a tulio hruaitu a simi Pu Lal Maung Cung (Chairman) le Pu Tum Sang (Secretary) cu July 11 ah an phuahnak hna catlap cu Online ah hun hmuh a si. 

Aung San Suu Kyi hruaimi nih thil tuah ning kong ah, “Wakema peng ah a ummi NLD chungtel le EC sinak riantuan liomi minung 21 cu NLD cunglei (Bahu) nih a ruang langhter lo in an phuah dih hna tiah NLD Wakema ah chungtuan (Secretary) U Aung Cuai nih DVB ah a chim.

Nain, CNLD Thantlang lutlai simi hna phuahnak kong bel fiangte in CNLD cunglei (Bahu) nih phung ningte tialmi ‘Letterhead’ he fiangte in an langhter mi Online ah Pu Lal Maung Cung nih a tarnak in hmuh khawh a si. Asinain, CNLD Thantlang party lutlai Pu Lal Maung cung hruaimi nih CNLD cunglei (Bahu) nih nawlchuahmi cu an cohlanlonak kong 13 July 2020 ah cathanh an chuah.



CNLD (bahu) nih an phuahnak hna a ruang cu, “CNLD nih thimnak kong ah zulhphung chuahmi zulh lo ruang ah siseh, CNLD Thantlang nih MP a cuhdingmi thimmi cu cunglei (bahu) nih zulhphung chiahmi zulh lo in le a kalh in riantuan ruang ah a si tiah cathanh hmuh khawh a si.”

Asinain, Ayeyarwady i Wakema khua kong he pehtlai in, atu tiang cu NLD cunglei (bahu) in zei catlap hmanh a phan rih lo. Atu bantuk in thimnak lai ah thil a can hi cu a tha lo. Kan khuapi (myo) min zong a chiatter i, party caah a tha lo i, cun a hlei in Party nih teinak hmuh nak ding zong ah a tha lo tiah a chim.

Chin miphun party tiah ruahmi CNLD Thantlang bel cu cunglei nih felfai tein EC thar thimnak an tuah dih hnu ah, Thantlang peng in MP a cuh dingmi fehternak an tuahte lai tiah theih a si.#

Na ruahning rak langhter ve.. (Leave a comment)

%d bloggers like this: