NLD Party Nih Ramkulh Cozah Le Hluttaw Palai Minung 12 Dan An Tat Cang Hna
TCP-Thantlang| 2019 February 26| Atu lio cozah tlaitu NLD party nih ramthen/ramkulh cozah le Hluttaw palai minung 12 dantat an si cang tiah Party Chairman II Dr. Zaw Myint Maw nih NLD party thawngfiannak tuah ni ah a chim.
“Cheukhat ramthen le ramkulh cozah cu report an rak tuahmi hna chung in a luan tuk mi hna cu party zohfeltu phu nih zohfel hau lo in dengteo in kan phuah colh hna. Micheu ramkulh cozah hna cu hlathlainak tuah dih hnu ah bia le ca in ralrin kan pek hna hnu ah rian dinhter an si” tiah Dr. Zaw Myint Maw nih a chim.
“Taningtharri Chief Minister Dr. Lae Lae Maw le ramthen vuanci cheukhat report an tuah mi kong tu cu eihmuar lei dohtu phu nih hlathlainak an tuah lio hna an si” tiah NLD party chimnak nawlngei mi Dr. Myo Nyunt nih a chim.
“Taningtharri Chief Minister Dr. Lae Lae Maw le Party Chairman U Aung Soe cu eihmuar kong he aa pehtlai mi a si caah a dang tein report an si i cu report nak cu Party zulhphung zohfeltu hna nih zohfelnak kan ngeih lio zong a si” tiah U Nyan Win nih a chim.
Ref: khitthitnews.com
About The Author
