North Dagon ah tlaih a tongmi Chin mino nu 26 thlah ṭhan an si cang
The Chinland Post | 2022 August 3 – Yangon ramṭhen, Dagon myothit chaklei peng July 31 ah SAC ralkap nih an tlaihmi hna Chin mino nu 26 cu August 2 an thlah cang hna tiah Chin World nih a langhter.
Tlaih a tong Chin mino hna hi ramdang kal in rianṭuan dingah Agent nih a hlan piakmi hna Dagon myothit thlanglei 39 sang ah an um lioah an tlaih hna hi a si.
Atu bantuk in an tlaihmi hna he pehtlai in SAC kuttang thawngzamh a simi FACT CHECK nih cun North Dagon lei ah mino nu tampi an phan tiah thawngpang theih a si caah rianngeitu hna nih an va kal i Chin mino nu 26 cu phungning loin an phorhmi hna kha an hmuh caah an tlaihmi hna nu 26 cu thlah ṭhan in a hruaitu hna kha phungning in tawlrel a si lai tiah a langhter.
About The Author
