Nu Bawi te nupa tuanbia: a vapa a ih tlai lengmang nak a ruang

0

Zan ih caan a phanh paoh ah Nu Bawi an pa cu a mitku bal lo. Nu Bawi nih a ihtak lengmang. Nu Bawi a ih cangka in anpa cu Internet a kau i blue film (nupa sinak tuahmi video) a zoh colh. Mah cu Nu Bawi nih a thei bal lo. Nu Bawi nih anpa cu company rianttuan a si ca le, a rian a tam ruangah an ih hlan chung a ka thutpi i, ka ih in a rian a ttuan tiah lungthiangte in a ruah zungzal. Caan a rau deuh nain anpa cu Nu Bawi he voikhat te tal ihnak kaltti caan um lo in a tlai peng caah, Nu Bawi cu aa nuam kho dih lo.

Asinain a rau lo. Caan tlawmpal ah Nu Bawi nih a ih cangka in anpa nih nupa sinak video (blue film) a zohtak lengmang a theih. Cu tikah, Nu Bawi cu lungrethei in a um. Kan pa hi keimah he umtti aa nuamh lo bia maw a si; diriamhnak ka pek khawh lo caah a ka duh ti lo bia a si sual hnga maw tiin khua phunphun a ruat. Cu tikah anpa cu a auh i, lungthiangte in bia a hal.

Kan pa, dikte in bia na ka leh lai ka zumh. Kei zong nih lungthiangte in kan hal mi a si. Keimah he umtti na nuamh lo bia maw? Si lo ah, ka sin in diriamhnak taktak na hmuh khawh lo bia dah? Zei ruang ah hiti bantuk in ‘blue film’ hi na zoh lengmang?

An pa nih cun, a si lo! Film ka zohmi hi nangmah he umtti le pumsa diriamh kong he zeihmanh aa pehtlai lo. Phundang in ka ruat duh hlah law!

Nu Bawi nih zeihmanh a let ti lo. An pa a lungthiang ko – Film a zoh ruang ah nu dang duhnak lungthin a ngei lo ti a zumh. Nain a rauh deuhdeuh tikah Film zoh nih lem in ‘nuva sinak tuahtti a huam ti lai lo’ timi bel cu a phang ngaingai.

‘An pasal pawl nih Blue Film an zoh tuk tikah cheukhat nupile cu ngaihchia in le chungkhar buainak a chuahter tu ding ah an ruah ttheo. A taktak ah cun, chungkhar ah vale nih zoh ruang ah buainak a chuak mi a um lem lo. Hlathlainak tuah tikah pasalle Blue Film a zohtu minung 100 chung ah minung 5 lawng nih khuacaan ah buainak an chuahpi tawn’ tiah Michigan in minung thluaklei le nupa sinak kong thiamsang Russell Stambaugh nih a chim.

US ram ah Pa 100 chung ah minung 26 hi Internet website in ‘blue film’ zoh an hmang i nu 100 cung ah 3 tluk nih an hmang ve tiah Pew Internet & American Life Project nih a chim. “Blue Film” a thlahtu le a chuahtu Company zong nih tu ah cun sipuaizi ngan ah an i chuah ve cang. 2016 kum ah cheukhat Company tangka lut cu dollar billion 13 tiang a phan mi an um.

Vale nih ‘Blue Film’ zoh ruang ah nupile tampi cu an lungre a thei. Hihi theih tuk ding a si lo.

“Cheukhat nupile cu vale nih ‘Blue Film an zohtak hna tikah an lungre a thei. An zohmi film chung nu nakin kan i dawh deuh lo caah a si hnga maw tbk in. Asinain, hi zoh ruang ah vale lungdang an ngei (phoh-pian) hlei lo. Blue Film hi nuva (nupa) sinak tuah duhnak le tuah khawh deuhnak caah lung a thawhter tu a si deuh lehlam” tiah San Francisco in nupa sinak kong le thlopnak kong a thiammi Dr. Lonnie Barbach nih a chim.

Mah bia ruang ah an vale lungdang an ngei (phoh-pian) bak lo ti cu ilungsak ding a har deuh rih. Biahal ding tampi a um kho. Ziah pa le patung zong nih taklawng ummi nu hmanthlak an zoh duh khun deuh? Hi tah zei ruang ah a si? Asinain, hihi cu pa thisa le thluak thari hi nupa diriamhnak (sex) lei he aa pehtlaimi a si caah lungdang ngeih (phoh-pian) duhnak in a chuak mi a si hrimhrim lo.

Russell Stambaugh nih cun “pa thluak thari le nupa diriamh tuah duhnak (sex) hi pehtlaihnak fekte in a ngeimi a si. Cucaah pa nih cun zeitik paoh ah nupa sinak tuah an lung a chuak kho. Hihi cu kokek (natural) minung sinak chung in a chuakmi a si tiah a chim.

Nu Bawi nih pa he nupa sinak tuahning (sex) kong a vun i fian tikah cun anpa cung ah lunghrinhnak a ngei ti lo. Anpa he ‘sex’ kong, ‘blue film’ kong ceihtti zong a ngamh cang. Zohtti zong a ngamh cang. Cun anmah pahnih kar zong ah nupa sinak an tuah tikah diriamhnak kong a si ah, a dangdang a si ah, an i ceihtti ngam cang (hmunhma i lakpiak ning ‘position kong’ tiang in). Cu nih an nuva kar ah lawmhnak le diriamte in nupa sinak hmantti khawhnak a chuahpi.

Cu tikah zapi zong nih Nu Bawi te nupa an sining in tampi i cawn ding kan ngei. Blue Film zong zohtti ngam in, nupa sinak kong lungthiangte in i ruahtti ngam kan herh.

‘Blue Film’ zoh hi chungkhar nuamnak le nuva kar diriamte in inuamh ning sernak caah a tthahnem mi a si. ‘Blue Film’ kan zoh lai kan ti tikah;

Tuah awk le ralrin ding

  1. Nu kha duhthimnak pek ding. ‘Blue Film’ zohding hi thim awk tampi a um. Pa cu ‘lungthawh’ a fawi tuk. Cucaah nu nih an duhmi zoh kha biapi ah chiahding
  2. Humhimnak a biapi. Film chung ahcun duhpaoh in an um tikah anmah i cawn ding a si lo. Ihkhun cung ah kanmah cio cu thiangte in nupa sinak kan tuah ding a si.
  3. Tangka le a caan. Zoh duh tuknak nih a herh lo tiang in le a hlei in tangka le caan dih tuknak a chuahpi khawh. Hihi ralrin a herh.
  4. Blue Film nih mi a lem kho maw? Blue Film nih lem tuk nak in thluak thari a hnursuan khawh. Kan chim cang bantuk in pa lungthawhnak le thluak thari he aa pehtlai. Blue Film zoh tuk hi thluak thari caah ‘siivai’ a si kho i ‘rithaisii’ lem bantuk lem a fawite. Cu tikah mitkut vuai lo, rian tlolh le chungkhar buainak a chuahter. Blue Film nih thluak thari a hnursuan tikah saram he ‘sex’ tuahtti duhnak tiang a chuak kho.

USA Indiana State um Bloomington University in Kinsey Institute for Research in Sex, Gender, and Reproduction kong a hlathlaitu Erick Janssen nih ‘Blue Film’ zoh nih a lem cangmi hi ‘rithaisii’ nih a lem hna bantuk an lo nain thlop awk an ttha lo tiah a chim.

Cucaah ‘Blue Film’ zoh tikah cheukhat nih a tanglei hmuitinh ngeih in an zoh.

  1. A taktak ah i cawn khawhnak caah an zoh
  2. Tthit dingmi nu ‘sex’ tuahpi lo nakding caah hrialnak lam kawlnak caah le
  3. Pumpak diriamnak caah tiin an zoh.

A caancaan ah ‘Blue Film’ nih chungkhar nupa nuamnak caah tthahnemnak tampi a chuahter. Diriamhnak an ngeih lo tikah Blue Film an zohmi thawng in nupa sinak tuahning phunphun an thiam i tampi lawmhnak a chuahpi khawh. Nupa sinak in diriamhnak timi hi a sawhsawh a lo nain ‘ngandamnak le chungkhar sernak caah biapi mi pakhat a si’ ti cu al awk a ttha lomi a si.

“Blue Film” zohnak nih thluak thari hnursuan in chungkhar rawhnak le buainak a chuahter mi zong cheukhat ah hmuh a si. Asinain sii lei fimthiamnak nih “Blue Film” lemnak in mi thluak a rawk i, minung a hrawh ti hi a tlangpi in an lungtling rih lo.

Nu zong nih ‘Sex’ kong ceih le va le sin ah ceih ngam hi ningzah ding a si lo. Aruang cu minung kan sinak ah a herhmi a si. Cu pin ah chungkhar damnak zong ah ‘Sex’ kong lungthiangte in i ruahtti hi biapi ngaimi pa khat a si.

Mizzima nih hellosayarwon.com chung in a lak mi leh than mi a si. Mirang in Tom le Katthy nupa timi ah Lai in Nu Bawi te nupa tiah vun thlenmi a si. (Catialtu)

About The Author

Na ruahning rak langhter ve.. (Leave a comment)

%d bloggers like this: