Nu Pumpululh Chuih Zuamnak Ah Falam Pengkomh Nih Sing 8 In Pakhatnak Laksawng An Hmuh

0

Salai Cung Cung |2018 August 11|  Avoi 1nak Chin ramkulh pengkomh kip nu pumpululh chuih zuamnak ah Falam pengkomh nih Sing 8 (800,000) in pakhatnak laksawng an hmuh tiah kan theih.

Hi pumpululh chuih zuamnak ah hin Falam pengkomh le Mindat Pengkomh Final an kai i 1-1 in an i tluk. Caanhlei an chuih mi zong ah an i tluk than caah penalty an chuih i Falam pengkomh nih 3-0 in teinak an hmu tiah kan theih.
Hi pumpululh chuih zuamnak ah hin thiamhlei tiin pumpak cio in laksawng peknak an ngei. Cu hna cu goalbawh ah Mindat, back ah Mindat, hmaikal ah Hakha, A laikal ah Falam, Zapi huap in a thiambik mi ah Falam pumpululh phu in zaanglekcelh thiambik pek an si.

Avoi 1nak Chin ramkulh pengkomh kip nu pumpululh chuih zuamnak cu Falam pengkomh nih Sing 8 (800,000) in pakhatnak laksawng an hmuh i pahnihnak cu Mindat pengkomh nih Sing 5 (500,000) an hmuh. Hi pumpululh chuih zuamnak caah ti in laksawng petu hna cu pakhatnak laksawng caah Chin ramkulh Women sport committee Na-ya-kah in Sing 5, Chin ramkulh minister nupi nih Sing 1, Chin ramkulh Amyotami yeya lei in ks. sing 1, Chin ramkulh Runvennak le ramri lei minister nih ks. sing 1 ti in pakhatnak laksawng caah an pek hna.

Pahnihnak laksawng caah Chin ramkulh women sport committee Na-ya-kah lei in 300,000, Chin ramkulh amyotami yeya lei in 100,000, Chin ramkulh minister nupi nih 500,00, Chin ramkulh luhmuhyi minister nupi nih 50,000 ti in azapi Sing 5 asi tiah kan theih. +++

About The Author

Na ruahning rak langhter ve.. (Leave a comment)

%d bloggers like this: