NUG nih Ralkap Suahtuahmi Hlatnak ‘CICMC’ phu a dirh
Chinland Post | 2022 February 28 — National Unity Government (NUG) i Ministry of Defense cu mipi mah tein i khamh lio ah a chuakmi ralkap phu nih sualtuahmi (Military crimes) pawl he pehtlai in zohfelnak, a tuar ingmi caah tlukruannak a um khawhnak le phungning tein kan nun khawhnak hnga caah tiin “Central Investigation Commission for Military Crimes – CICMC” phu kan dirh tiah nihin February 28 ah a thanh.
Atu Commission hi a luan ciami 2021 December 3 ah tuahmi A voi 36nk NUG Humhimnak Ministry (Ministry of Defense) Meeting ah Deputy Minister hruainak in dirh a si i NUG Ministry of Justice in rian ngeitu pawl, CDM Judicial staffs, Upadi lei thiamsang pawl hna tel in dirh le sualtuahmi (crimes) pawl zohfel a si tiah theih a si.
Crimes hmunhma pawl ah a herh ahcun ramṭhen level zohfeltu commissions phu pawl dirh le nawl pek a si lai i, sualnak a tuahtu cu raltuknak lei biaceihnak phung le, mipi lei biaceihnak phung in a ziizut an si lai tiah a langhter.
Raltuknak he pehtlai in crimes pawl a chuah a si ahcun “Central Investigation Commission for Military Crimes – CICMC” phu cicmc@mod,nugmyanmar.org ah pehtlaih khawh a si tiah NUG nih a thanh.
About The Author
