October Thla Ah Kan I Tongthan Hna Lai: Aung La N Sang

TCP-Thantlang| 2019 April 2| Tutan Japan ram Tokyo One Championship i thonghnak hmun ah teinak ka hmuh than caah ka lawm. October thla chungah Light Heavy Weight Champion taisawm venhim than ding in kan i tong than hna lai tiah Aung La N Sang nih a mah pumpak Account ah a tar.

Japan miphun zong an i zuam bantuk in dingrep (si-kann) zong an ngei. Kei mah pumpak zong nih i cawn awk thil tampi ka ngei hna tiah Aung La N Sang nih a chim.

Hika ah March 31 zan an i thonghnak video zoh than khawh a si.

 

Tutan Aung La N Sang le Japan pa Ken Hasegawa an i thonghnak chungah a round hnih nak ah Aung Lah nih a tei. Mah ni ah Japan pa cu Aung La nih a chuihnak nak zawn a hnakruh pahnih a pelh pin ah a cuap ah thi laanghnih an dawp piak mi cu a tei mi pa Ken Hasegawa nih i pheh lo tein pumpak a hman mi Account ah a tar ve.

Tutan Aung La N Sang nih teinak a hmuh cang ka in Heavyweight champion a si mi Brando Vera nih a zuamcawh(singkhaw) i Aung La N Sang nih a cohlan ve caah aralaimi October thla ah an i thong than lai.

MMA i thongh khawhnak ding caah pum rih zan le um tuning tahfung phun 9 in then a si. Flyweight i thongh khawhnak ding caah (pound 125/56.7 Kg) si a hau, cu bantuk in Featherweight caah (pound 145 in a cunglei/65.8 Kg), Bantamweight caah (pound 135/61.2 Kg), Lightweight caah (pound 155/70.3 Kg), Welterweight caah (pound 170 in cunglei/ 77.1 Kg), Middleweight caah (pound 185 in cunglei/83.9), Light heavyweight caah (pound 205 in cunglei/93.0), Heavyweight caah (pound 265 in cunglei/ 120.2 Kg) le Super Heavyweight caah cun pum rihzan ri khiah nak tuah a um ti lo. (Ref: Akonthi/ The Voice)

Na ruahning rak langhter ve.. (Leave a comment)

%d bloggers like this: