Ohkayithta kahdohnak ah SAC ralkap a thimi an tam tiah Cobra nih a langhter
The Chinland Post | 2022 June 4 – SAC sakhaan a simi Ohkayithta kahdohnak ah a thimi an tam i kahdohnak ah aa telmi KNU/KNLA hruaimi phufonh a simi Cobra Commander le KNDO Commander nih tette he an langhter.
Karen ram, Myawaddy peng, Walley ah a ummi Ohkayithta kahdohnak bawmh ding in a raami SAC ralkap pawl cu June 30 ah sml 1 hmanh kan kap hna lo tiah Captain L Se Wa nih a chim i June 30 kahdohnak ah SAC ralkap a thimi an tam, hriam tampi zong chuh a si tiah a chim.
Bawmh ding a raami Battalion 44 kuttang ralkap pawl cu kah an tong i kahdoh a chuahnak pawng hlei ah SAC ralkap pawl ruak cu Captain L Se Wa nih a langhter i chuh a simi hriam pawl zong langhter a si.
Cubantuk in Cobra Captain Da Baw nih an tlaihmi palik biahalnak ah June 26 Walley in Ohkayithta ah hriam a rak chanmi ralkap 66 cu kah an tong i a thimi 20 leng an si tiah palik pa nih cun a phuan.
Kahdohnak ah a thimi an tam i battalion commander telh in ralkap pawl tampi an tli i ralbawi pakhat zong a thimi ah aa tel ve tiah a chim fawn.
About The Author
