Ohkayithta kahdohnak ni 5 chungah SAC nih van lei kahdohnak voi 125 a tuah
The Chinland Post | 2022 Juky 5 – Ohkayithta kahdohnak June 27 in July 1 tiang ni 5 chungah SAC nih van lei kahdohnak voi 125 a tuah tiah Cobra nih a thanh.
Karen National Union (KNU) battalion 6 hmunhma chung SAC sakhaan a simi Ohkayithta cu KNLA/KNDO phufonh nih June 26 in lak ding an i zuam i kahdohnak chungah SAC nih van lei kahdoh bawmhnak voi tampi a tuah tiah theih a si.
SAC van ralkap hi Mingalardon sakhaan, Hmawbi sakhaan, Mawlamyaing in MiG – 29 kahdohnak vanlawng 2, Yak -130 vanlawng 6, Mi – 17 thilphor helicopter 2, MPA ATR-42 vanlawng 2 hmang in Cluster Bomh, mei a khangmi bom, 200 le 500 LB bom, van in vawlei ah kahmi missiles pawl in kahdohnak a tuah tiah fiang tein a langhter.
Ohkayithta sakhaan hi Myawaddy pengkomh, Walkey khua ah hmunhma a khuarmi a si i raltuknak ah a rem tukmi hmunhma a si caah kahdohnak chungah kaphnih a thimi an tam bantuk in SAC lei nih hriamngan, van lei le bom hmang in kahdohnak a tuah caah a pawngkam khuami a thong leng Thai ram lei ah an zaam tiah theih a si.