Omicron Pulrai Thar Le Ramchung Mipi Runvennak
Ramdang in ramchung ah a rak lutmi hna sin in omicron pulrai thar zawtnak hi zeitin dah mipi runvenning a si lai.
Covid-19 pulrai thar Omicron hrik thar hi ramdang in ramchung a rak lut cang caah runvennak a herh. A ruang cu Omicron hrik thar hi hlan covid pulrai pawlnak in a let in zawtnak karh a rang. Cucaah 3C ti mi(Closed Spaces) Khar khumhnak hmun le (Crowded Places) Mi Bu –Za pi umnak le (Closed- Contact) Mi dang he neih tuk in umnak hmun pawl hrial ding in World Health Organization( WHO) nih ruahnak pek in thawngthanhnak a tuah.
Mi dang he pe(6) hlat in um ding le Mask tha te in hruk le kut thiang tein tawl lengmang ding hi hlan pulrai zulhphung ning in zulh peng rih a hau. Mah zawtnak a ngei ko rua tiah zumh mi an um a si le a rangnak in Covid test cawlh ding. (Mask) hruk tik ah fel deuh in tuah ding le N 95 le KN 95 phun Mask deuh hruk ding. Mask hruk tik ah pahnih- thum tiang zong hruk ah a tha. A ruang cu a leng lei thli tha lo pulrai hrik a lut khawh lo ding hi a bia pi. Covid khamnak Sii chumh hi pehzulh rih a herh. US ram ah covid khamnak sii a chum cia mi zong nih mah zawtnak nih a tlak than ko hna.
Omicron pulrai thar hi hlan covid rai nak in zawtnak alang tuan. Hlan covid cu zarhkhat tiang in zawtnak alang mi a si. A tu Omicron cu suimilam 24 chung in ni(3) in ni(5) tiang zawtnak a lang caah zawtnak a ngei mi he hmunkhat ah ni(6) hlei a um ti minung sin ah zawtnak a lang lo ah cun hrik ngei lo tiah ti khawh a si I inn erh khumhnak chung in a leng chuak kho an si tiah CDC nih a chim. Sihmahsehlaw zawtnak hrik ni(5) tiang a lang rih ko ah cun inn erh khumh peng ding tiah thawngthanhnak an tuah.
2020 kum ah Covid pulrai lio ah Chin ramkulh Covid-19 pulral runvennak cu peng kip cio ah pulrai runvennak tawlrelnak committee an ngei cio. Mah pengkip committee nih khualutnak check-gate ah ramchung ramleng/ramthen I lut mi hna cu facility Quarantine Ni(14) chiah in swab test tuah an si. Khuadang in khualtlung milut chuak kip cu minute (15) can pek in Rabid Test Kit an si. Zawtnak hrik hmuhmi hna cu Facility Quarantine ah swab test an tuah chap hna.
Facility Quarantine umnak kip ah Hrik thah si kap nak le thianghlinhnak zong tuah a si. Facility Quarantine alutmi minung ei-din nak tiang Chinram cozah nih an rak pek ton hna.
Sihmahsehlaw 2022 kum cu kawl ralhrang doh ruang ah peng kip in covid pulrai runvennak cu an tuah kho ti lo caah mah le innchungkhar le neihniam mi sang/veng/khua cio in runven thiam le covid khamnak phunglam zulh cio a herh ko.
Cc: Frederick Health, Maryland State, USA
