Omicron sinning le Theihtlei

The Chinland Post | 2022 March 3 – Covid chungtel a si ve mi Omicron hmuh a si hnu ah, Covid fourth wave le mipi tampi i chawnh a si caah thinphanding thil a hung chuak tiah ngandamnak lei thiamsang pawl nih an chim.

A hlan ah a rak cangmi covid he i lo lo in, Omicron ahcun ṭangfah le thinlung a phingmi sinning pawl kha hmuh a si. Covid in zawt a si hnu zarhkhat hrawng in hmuh khawh a si i, ṭangfah le thinturdan hman lo (a rang tuk or a nuar tuk), thinlung thader (Heart Failure) sinning pawl kha hmuhkhawh a si. A hlei in, Covid khamhnak sii aa chun lomi pawl sinah hmuh a si le mino pawl sinah a biapi in hmuh a si caah thinphan awk a si.

Covid first wave lioah cun cuap a puarmi (Pneumomediastrinum) le athlum dat a kai i zuunthlum (Diabetes) pawl silole a fak deuhmi (DKA – Diabetes Ketoacidosis tiang) pawl kha a biapi in hmuh a si. Mah pawl hi a luancia wave lioah hmuh ti loin Oxygen tlak le thih pawl kha hmuh ṭhan a si. A tu Omicron ahcun, cuap le zuun lei buainak kha hmu ti loin thinlung a va tonghmi kha hmuh khawh a si.

Omicron zawtnak cu a fak tuk lo tiah ruah a si ko nain, a karhdan a rantuk ruang, zawt a fawi tuk ruang le thinlung lei a derthawmter caah a hleikhun in ralrin a rau. I ralrin dingah, ṭangfah (khuh loin), thinturdan hman lo, thawchuah i harh, pawl sining hna hi hmuh a si nain oxygen a tla ti bel hi hmuh a si rih lo. Daithlang lo tein ralring taktak in kan um a herh. A biapi tukmi sining pakhat cu, ruah lo piin kan rihzaan (weight) a tlakter colh caah, a cunglei sinning pawl na ton a si ahcun siibawi i zohter colh ding, a caan luan hlan ah  dathman i thlak (Echo – Echocardiogram), covid si le si lo i check colh le tuan tein i thlop colh kha a biapi tuk.

Mah kong hi New York khua, Wyckoff Heights siizung i Director le Kawlram i covid mizaw pawl phone in a bawmchantu Infectious Disease Specialist Dr. Zeyar Thet kha VOA Burmese News nih bia a halmi a si . The Chinland Post nih aa tlakning in Laica in leh chinmi a si.

Na ruahning rak langhter ve.. (Leave a comment)

%d bloggers like this: