Ooredoo Myanmar cu $ 576 in an zuar
The Chinland Post | 2022 September 9 – Ramchung pehtlaihnak company pakhat a simi Ooredoo Myanmar cu Singapore hrambunh Nine Communication Pte company sin ah USD $ 576 in zuar ding in hnatlaknak min an thut cang tiah Reuters nih a langhter.
A luancia zarh chungah Ooredoo Myanmar cu Myanmar rianngeitu U Myo Myint Ohn a ngeihmi Singapore hrambunh TOMV company nih a cawk khawh deng tiah thawng a than hnuin Qatar hrambunh Ooredoo nih atu bantuk in a thanh hi a si.
Myanmar ram ah SAC nih hramhram in uknak hnuin SAC nih nuhrin covo a buarmi a tamtuk caah ramdang company tampi an rian dirter in an chuak dih ṭhan i cu ramdang company chungah Telenor zong a tel cang i atu zong Ooredoo chuah aa tim ṭhan.
About The Author
