Operation 1027 A Ni 7 Nak Ah Ralkap Sakhaan 3 An Lak Chap, Khuapi 4 A Ning In An Uk Khawh Cang
The Chinland Post | 2023 November 2 — Shan ram chaklei ah an thawk mi Operation 1027 a ni 7 nak ni zinglei tiang ah unau hawikom phu nih ralkap sakhaan 3 an lak chap tiah thawng an thanh.
Kokang hmunhma, tuni zinglei ah ralkap sakhaan 3 an kah i an lak beh tiah an thanh.
An lak khawh mi sakhaan pawl cu Kokang hmunhma Shantoe sakhaan, Swinh-ni-kan le Llintaung sakhaan hna an si.
Kahdohnak chung ah hriam tampi an lak khawh bantuk in ralkap cheukhat zong a nung in an tlaih hna tiah theih a si.
Cun TNLA nih Nankhan khua le Manwingyi a pehtlaih tertu hri hlei ah hmunhma an khuarnak palek sakhaan le Nyaungbin khuate le Ongmathi khua karlak ah hmunhma an khuarnak sakhaan hme pakhat zong an kah tiah theih a si.
Unau hawikom phu hna nih Chinshwehaw, Phaungsai, Theindi le Kyokauk (Pansai) khua pawl cu an tlaih khawh dih cang.
Operation 1027 a ni 6 nak ni zong ah ralkap sakhaan 4 cu unau hawikom phu nih an lak khawh i atutiang ah ralkap tank 6 nak tlawm lo an lak khawh cang.
Shan ram chaklei le Kachin ram ah kahdohnak pehzulh in a fak i KIA Headquaters a umnak Laiza khua cu ralkap nih kulh dih cikcek an timh i vanlei le hriamngan in an kah lengmang.
