Pa Pathum Tek Nih A Tlak Hna I An Thi Colh
TCP-Hakha| 2019 March 28| Kayin ramkulh Kaw-karet peng i pha-ye-ti dum ah thil a cawmi pa pathum cu tek nih a tlak hna ruang ah a hmun ah hmakhatte ah an thi colh.
Thil a can hi March 26 zanlei suimilam 6:00 renglo deuh, Kaw-karet peng, No.6 sang chung i a ummi U Wai Lin Paing Pha-ye-ti dum chung ah tlek nih a tlak hna hi a si.
A thimi hi U Aung Win (kum 47), Phe Myint (kum 46) le Kum 16 a simi – Wah-toh tiah an auhmi minung pathum an si. Ke 12 ngei motor he pha-ye-ti caw ding in dum chung an phak lio ah ruahlopi in ruah a sur i tek a tlak nih a tlak hna caah an thih hi a si tiah palek record ning in theih a si.
A thimi ruak cu Kaw-karet sii-inn ah an kalpi hna i mi thihnak No.5/2019 in Kaw-karet peng palek sakhaan nih case an hun i cheknak an tuah tiah theih a si.
Ref: Akonthi
About The Author
