Pago Ramthen Chief Minister Rianrang Tein Chekfelnak An Tuah Lai

0

TCP-Thantlang|2019 October 21| Pago ramthen Chief Minister a si mi U Win Thein nih sayama pakhat cung ah bia  a chim mi cu an phuan (report)an tuah caah Party lutlai tu hna nih a rannak in chekhlatnak an tuah cang lai tia kan theih.

Report nak ca cu kan sin a phan cang, rianrang in hman kan lak lai tiah Party lutlai U Myo Ngunt nih a chim. October 5 Nat-Ta-lin peng Da-ma-nge khaute ah hmun hla piin  siang cachim rian a rak tuan mi han umnak inn kong cu khuami hna nih an chimphuan mi kongah Chief Minister nih “ siang cachim saya/ma hna cu khua teah um in khua mi hna he i thitum, khua tlangval hna nih sayama te hna cu duhnak bia i ruah tibantuk nan tuah, timi kongkau bia a chim mi ruangah cunglei party lutlai tu hna sin ah report nak an tuah hi a si.

Hi bia a chim mi ruangah mitam pi nih an soisel pin ah siangngakchia phu hna nih duhlonak cathanh zong an chuah. Chief Minister a si mi U Win Thein nih cun hi bia  chim mi ruangah ngaihthiam a hal than hna. Pago ramthen Chief Minister U Win Thein nih a luancia lio zongah “Singapore tiang lonh dingin rian kan tuan lai, Nuclear tiang zong kan cer chuah lai tite hna a rak chim mi ruangah fakpiin mawhchiat a rak tong bal. (Ref: the fifth wave News)

 

About The Author

Na ruahning rak langhter ve.. (Leave a comment)

%d bloggers like this: