Pakokku peng chungah SAC ralkap pawl an rak luh lioah an kah hna, aa hliam mi an tam caah an kir ṭhan
The Chinland Post | 2022 October 13 – Magway ramṭhen, Pakokku peng, Myaing a hmailei ah SAC ralkap pawl an luh lioah an kah hna i aa hliam mi an tam caah an kir ṭhan tiah Young Force UG nih a thanh.
SAC ralkap pawl nih mipi umnak khuate hna ah an rak luh lio October 10 ah mipi hriamtlai phu nih an kah hna, kahdohnak chungah hriamngan, hriamhme hna in sml 3 leng kahdohnak a chuak. Kahdohnak a dih hnu ah SAC ralkap pawl cu laang, puan cawinak le ဂျိုင်းထောက် hna in an kir tiah a thanh.
Cu kahdohnak cu Southern Yesagyo, Pakokku Ranger, RSO (Pku), Thakhin Mya, PPDF le Young Force hna an tuah mi a si tiah an langhter.
About The Author
