Palatwa Peng Ah Theihpinak Telh Lo In Sak Mi Biakinn Pawl Dantat An Timh
The Chinland Post | 2023 September 25 — Chin ramkulh, Paletwa peng ah a um mi khuate le sang pawl ah nawl/ theihpinak tel lo in sak mi biakinn pawl dantat an si lai tiah Paletwa peng khuabawi U San Lin nih a chim.
Biakinn saknak, remh le kuahnak hna a um lo nakhnga rengh deuh in tawlrel a si lai i hmuh sual ahcun ramṭhen/peng cozah sin ah a rannak in phuan a si lai i dantat a si lai tiah a chim.
Cun Paletwa peng ah a um mi khuate le sang hna ah theihpinak telh lo in biakinn saknak, biakinn kau deuh in saknak hna a um lo nakhnga rengh deuh in tawlrel le hmuh a si ahcun SAC kuttang cozah zung pawl ah a rannak in theihter ding tiah a fial hna.
Hramhram in uknak lak a si hnu ah SAC nih Chin ramkulh chung biaknak lei inn 95 a hrawh cang tiah CHRO nih an rak langhter.
About The Author
