Palaw kahdohnak ah SAC ralkap 20 leng an thi
The Chinland Post | 2022 October 5 – Palaw in Myeik ah a ṭummi SAC ralkap mawṭaw 2 le bawmh ding in a raa mi SAC ralkap an kah hna i SAC ralkap 20 leng an thi i 10 nak tlawm lo an i hlian tiah PDF Myaik battalion 1 sin in thawng theih a si.
October 3 chun sml 2:00pm hrawng ah PDF Myaik battalion 1 le a hawikom phufonh hna nih Kade khua pawng ah SAC ralkap mawṭaw voikhat le bawmh awk ah a raa mi SAC ralkap cu Tapu khua pawng ah voikhat tiah voihnih an doh hna.
Kade khua pawng bom puahnak ah kaphnih karlak kahdohnak a chuak i Setdawya lei in kahdohnak ah ke in a raami SAC ralkap pawl cu Tapu khua pawng ah an kah ṭhan hna. Kahdohnak chung ah SAC ralkap 20 nak tlawm lo an thi i 10 an i hliam.
Mawṭaw pakhat bomrap nih a khen, adang pakhat cungah 40MM a tlak caah SAC ralkap a thi mi an tam tiah theih a si.
SAC ralkap pawl Palaw khua an rat lioah pala khua in Ko Htay Lwin telh in mipi 3 le mipi mawṭaw an rak chuh hna i Ko Htay Lwin le a dang pakhat cu kahdohnak chung ah an thi i pakhat aa hliam tiah theih a si.
About The Author
