Pale Peng, Zephyokone Khuate Ah A Um Mi Pyusawhtee Sakhaan Hriamngan In An Kah, Pyusawhtee 13 An Thi
The Chinland Post | 2023 June 6 — Sagaing ramṭhen, Pale peng, Zepyukone khua ah a um mi pyusawhtee sakhaan cu hriamngan in an kah i pyusawhtee 13 an thi tiah Zarmani Guerrilla phu nih an thanh.
June 5 zinglei sml 2:00am hrawng ah Yinmarbin-Salingyi phufonh hna nih lam hlat a kap kho mi hriamngan in an kah hna i pyusawhtee khuachung ah a tla i a puah caah pyusawhtee 13 an thi, tampi hliam an tuar caah zinglei sml 6:20am hrawng ah Jet Fighter 2 nih bom a rak thlak tiah an langhter.
Kahdohnak chung ah Zarmani Guerrilla phu, Fighter Brotherhood Guerrilla Army, Eagle Defense Force, Salingyi Border Task Force, BED, Golden Star, Myanmar National Armed Force le adang PDF phufonh hna nih kahdohnak an tuah hi a si tiah thawng theih a si.
About The Author
