Paletwa ah AA le SAC ralkap karlak kahdohnak aa peh
The Chinland Post | 2022 August 5 – Chin ramkulh, Paletwa peng chungah SAC ralkap le AA cu August 1-3 tiang kahdohnak a chuak tiah theih a si.
Paletwa ni thlaklei Kaladan tiva pawngah a ummi Tuthaykung tlang telh in Namadaw khua pawngkam ah a ummi, Kata tiva, Seinsinlankung hna ah kahdohnak a chuak i SAC battalion 289 zong nih kahdoh a chuahnak hmunhma lei ah hriamngan in kah a bawmh lengmang tiah theih a si.
Kahdohnak a chuah ruangah SAC ralkap nih Kaladan tiva a zulmi tilawng pawl an rengh hna tiah theih a si.
