Paletwa ah nu pakhat bom nih a puah

Paletwa, Chin State

TCP Hakha: Paletwa khua chung Yehkha Sang ah a ummi Daw Ma Ni, kum 25 cu nihin zing suimilam 6 tluk ah, mehhang kawl ding ah ramlak a kalnak ah vawlei tang phummi bom (landmine) nih a puah tiah theih a si.

“Daw Ma Ni, 25 hi kum 3 tluk a si cangmi fanu a ngeimi a si” tiah Paletwa CHRO riantuantu nih a chim.

“Zingka 6 tluk ah Paletwa khuachung in minute 15 tluk lawng a hlatnak hmun ah mehhang kawl ding ah a kalnak ah a tu bantuk in bomh a lamh sual hi a si. A phei a khawng” tiah Paletwa khuami nih The Chinland Post sin ah an chim.

“A sining, a hliamhma zeitluk in dah a fah timi bel cu hngalh a si rih lo. Sizung ah an thlop lio a si” tiah Paletwa ah ummi CHRO riantuantu nih a chim.

2015 thawk in Kawl Ralkap le AA karlak ah kahdohnak a cangmi ruang ah Paletwa peng chung ah vawlei tang phummi (landmine) ruang ahhin tam ngai an thi cang tiah theih a si.#

Na ruahning rak langhter ve.. (Leave a comment)

%d bloggers like this: