Paletwa ah SAC nih ti lam a awn cang ko nain thil porh khawhnak nawl ri a khiah
The Chinland Post | 2022 December 20 – Chin ramkulh, Paletwa peng ah December 10 thawk in Paletwa-Kyaukdaw ti lam cu SAC nih a awn ko nain thil phorhnak nawl ri a khiah tiah theih a si.
SAC ralkap le AA karlak ah kahdohnak a chuah ṭhan hnu July thawk in Rakhine in Paletwa kalnak ti lam, vawlei lam cu an rak phih.
“Atu cu ti lam an kan awn piak cang ko nain facang, chiti phorhnak nawl ri a khiah. A check zong an kan check. Facang zong tun 10, tun 20 hrawng phorh a ngah lo. Minung 1 nih tun 1 lawng phorh a ngah ” tiah Paletwa khuami pakhat nih Mizzima ah a chim.
Paletwa-Kyaukdaw ti lam an kan awn piak ko nain check le lam thluan a rauh caah vawlei lam an kan awn piak a hau, vawlei lam cun sml 1 hrawng lawng kan rau i ti lam cun sml 8 hrawng kan rau tiah a chim chap.
Kyaukdaw-Paletwa ti lam awn piak a si caah thil man a ṭum ngai tiah thawng theih a si.
About The Author
