Paletwa ah sianguk telh in minung 3 an tlaih chap hna, SAC nih a tlaihmi 8 an phan

0

The Chinland Post | 2022 October 24 – Chin ramkulh, Paletwa khua No. 1 B.E.H.S ah rian a ṭuan liomi pa pakhat cu SAC ralkap pawl nih October 20 zaan sml 9 hrawng ah an tlaih tiah theih a si.

An tlaihmi U Aung Thein Hla cu a rianṭuannak hmun sianginn ah biahal ding in an tlaih i a thawngpang theih a si ti lo tiah khuami hna nih BBC ah an chim.

Cu ni zaan zongah adang khuami pakhat a simi Tayawa khua in U Maung Phyo zong SAC ralkap nih an rak tlaih ve tiah an chim.

SAC ralkap nih an pahnih an tlaih hna hi a dik ko nain khoika dah an kalpi hna ti belte cu theih a si rih lo tiah an chim.

Sianginn rianṭuantu U Aung Thein Hla cu a rian a simi sianginn kong lawngte a ṭuan i zeibantuk phu hmanh he aa pehtlai lo tiah an chim.

Cun Oct 18 zaanlei zongah Paletwa hrambunh Infantry 289 nih sianguk U Kyaw Win Naing zong an tlaih i a chungkhar nih an va kal hnawh tikah biahal ding kan ngeih caah a si tiah an ti hna i tonnak nawl an rak pe hna lo tiah theih a si.

Atulio Paletwa peng chungah SAC nih an tlaih mi hna a tlawmbik 8 an um cang i sianginn lei rianṭuantu 3 an i tel bantuk in cheukhat cu Paletwa pengkomh biaceih zung ah Article 505-A in sual an phawt hna tiah theih a si.

About The Author

Na ruahning rak langhter ve.. (Leave a comment)

%d bloggers like this: