Paletwa Amyota Hluttaw MP le India Zung Riantuantu telh Minung (9) An Tlau

Amyota Hluttaw Hoih Tin/ The Chinland Post

TCP| 2019 October 3| Meeting kai aa thawhmi Amyota Hluttaw MP Pu Hoih Ting le Kalada project riantuan Easser  company (4) , holh lettu (2) le Sehtilawng (speed boat) mawngtu 2 an zapi (9) cu Paletwa in Kyauttaw lei tilawng in an kallio November 3, 2019 zing sml 8 ah an tlau tiah kan theih.

An tlaunak kong he pehtlai in Chin ramkulh Cozah fialnak in Paletwa zung riantuantu pawl nih an kawl hna tikah Chin ramkulh le Paletwa ramri Puaihung khuatang ah chun sml 12 ah Sehtilawng pahnih cu an hmuh. Zan 9pm tiang hmuh an si rih lo.

Hi kong he pehtlai in Khumi Funtomnak bu (KACC) nih an lungretheihnak kong thawngthanhnak zong an tuah. Hi kong he pehtlai in KACC upa Salai Saw Mya nih “A ho phu an si ti duh dengteo in ka chim duhlo nain hi bantuk khual atlawng mi kip tlaih le tlerh cu remdaihnak an duh lo caah a si ko. Daihnak um lo dingin an tuah hramhrammi a si. Sehtilawng in a kalmi an theih hna cu India project riantuan an si ti ruahdamh zongin an tlaihmi hna a si kho. Thawng kan hlat cuahmah a si ve caah hi lawng hi chim ka duh rih” tiah TCP  ah a chim.

Hi kong he pehtlai in Pyine Hluttaw Pu Ai Piming nih “ Paletwa budget le riantuannak kong he a kal ah hi bantuk a can hi a si. Hluttaw cu mizapi caah rian a tuanmi kan si tikah hi bantuk an tlaihmi hi cu a thabak lomi a si” tiah The Chinland Post ah a chim.  Chin ramkulh cozah zong nih him bawm tein an luat khawhnak hnga tawlrelnak an tuah cuahmah a si tiah theih a si.

Hi bantuk in Arakan Army (AA) nih Paletwa ah minung 80 leng a tlaih cang hna I nihin ni tiang an kong theih a si rih lo. Atu tlaih khihnak zong hi aho phu an ti theih a si rihlo nain tam deuh hlathlainak ahcun AA an si kho tiah theih a si.

 

Leave a Commnet

%d bloggers like this: