Paletwa Khuapi Sangthar Samhnak Ah Ralzaam Hna Papek In Innhmun An Pek Lai
Salai CungCung|2019 July 30| Kawl ralkap le AA hriamtlai kar kahdohnak ruang ah umnak zaam tak in khua a sa mi ralzaam hna cu him tein an um khawhnak ding ah Paletwa khuapi sangthar sak timh mi ah innhmum vawilei pek an si lai tiah Chin ramkulh cozah chinphuannak nawl ngeitu minister U Soe Thet nih a chim.
“Ralzaam AA nih tlaihmi chung in a rak zaam mi minung 12 caah Paletwa khuapi chung ah hmun kan pek cang hna. Cun Paletwa lei ah him tein um a duh mi hna caah Paletwa sangthar sak timh mi hmun ah innhmun pek kan timh hna. Cun Mihza zong ah khuapi ser kan timh mi a um caah cu ka zong ah cun an um duh ah cun hmun kan pek hna lai” tiah Minister U Soe Thet nih a chim.
Chin ramkulh cozah cazinning ah Paletwa peng ralzaam minung 2400 leng an si. Ralzaam tam deuh hi Miza khua an um hna i bawmhnak tibantuk zong an hmu tuk lo. July 27 Paletwa peng chung ah ralzaam hna cu Chin ramkulh cozah hna le company pawl nih bawmhnak an pek mi hna tangka Kyats 2366.84 cu bawmhnak an pek hna tiah kan theih.
Paletwa peng chung ralzaam hna cu thla fatin bawmhnak hmuh khawh ding caah ramkomh cozah sin thawng thanhnnak kan ngei i ramkomh lei zong thla fatin bawmhnak pek ding in timhnak an ngei ve tiah minister U Soe Thet nih a chim.Ref.Khonumthung
About The Author
