Paletwa Khuate Ca Facang Tun 120 Le Thilri Phorhmi AA Nih An Tlaih Hna
Salai CungCung|2019 June 4| Sianginn cachimtu ding le pastor pawl nih an i citmi Tilawng cu June 3 ah khan minung 400 leng thazaang a simi AA nih Paletwa peng Kaladan Tiva chung ah an tlaih hna tiah kan theih.
“Tilawng cung ah aa citmi saya-sayamah pawl le Pastor telh in kan zapi Tilawng cung in a kan tumter i chun nitlak facang tun a kan thirter. Kanmah Tilawng an kham hlan deuh ah hin thilri phormi Tilawng pakhat zong an khammi hna kan hmuh. Cun Tilawng chung um facang tun 120 leng le thilri pawl zapi cu an lakpiak dih hna. Sianginn ca chimh ding in a rami saya-sayamah pawl cu an mah le tuanvo ngeihnak hmun ah kal ngam ti lo in Paletwa khua lei ah an kir than dih” tiah tuanvo ngeitu pakhat nih a chim.
Tilawng chung um an tlaihmi zapi 19 chung ah cozah sianginn cachimh minung 4 le khirhfa Pastor riantuantu 3 an si i June 4 zing suimilam 5 hrawng ah an thlah than hna tiah kan theih.
Ref: Khumi Media Group
