Paletwa peng ah khuami 1 bom aa lamh sual
The Chinland Post | 2022 May 31 – Chin ramkulh, Paletwa peng, Ngacha khuami 1 cu May 29 zinglei ah bom aa lamh sual i Sittwe siizung ah kuat a si tiah bawmhchanhtu phu nih an chim.
Ngacha khua in meng 1 aa hlatnak ah a ummi Meekyaungtaung khua ah lo rianṭuannak in a ṭin lei ah bom aa lamh sualmi hi a si tiah Kyaukdaw khua Phyusinmyatta mi bawmchantu phu hruaitu U Nyi Pu nih RFA ah a chim.
“Zinglei sml 7 ah lo ah a kal. Ngacha khua he meng 1 aa hlatnak Meekyaungtaung ah lo rian a ṭuan dih hnu zaanlei sml 3:00pm hrawngah a rak kir ṭhan lioah aa lamh sual hi a si. Mi zei nih dah an hmanhmi a si ti cu a fiang in theih a si lo. Cuka hmunhma ah SAC ralkap he AA he an um ti cu theih a si”.
Bom i lamh sual ruangah kum 20 a simi Ko Aung Aung U a orhlei a kemit tang in aa tan deng caah tan beh a hau ko lai tiah a chim.
Myanmar ram Red Cross phu nih Paletwa peng in tilawng he an kalpi i Phyusinmyatta mi bawmchantu phu nih Sittwe siizung ah an kuat chin tiah a chim.
Paletwa peng chungah, SAC ralkap le AA karlak ah raltuknak lei buainak a san chin lengmang i zeibantuk phu nih an hmanhmi dah a si cu a fiang in theih a si lo.
2022 chungah bom aa lam sualmi 4 an um cang i Rakhine ram ah 2 le Paletwa peng ah 2 an si tiah U Nyi Pu nih RFA ah a chim.
