Paletwa Peng Ah Thlahnih Chung Zaan Len Chuah Lo Ding In Nawl An Pek Than

Paletwa, Chin State

Salai CungCung + Salai Josephbawi |2020 January 15| Chin ramkulh Paletwa peng chung ah kahdoh a um ruangah 2019 November 9 in Zan sml 6 in Zing sml 6 tiang leng chuah lo ding tiah thlahnih chung an chuahmi cu Kahdohnak a daih hlei rihlo caah 2020 January 9 in upadi poh-mah (144) thlahnih chung zan leng chuahlo ding le minung (5) chung a bu in um lo ding tiah nawl an chuah than tiah thawng kan theih.

“Paletwa ummi cu thonginn thlak bantuk kan si ko. Kan duh herhmi zalh le kal zong kan ngam lo. Khualtlawn zongah biatak tein Ralkap lei le palek nih chek a si. Zan lei sml 6 in cun aho hmanh leng chuah a ngah lo” tiah Paletwa in min langhter a duhlomi nu pakhat nih The Chinlanld Post ah a chim.

2017 kum thok in Kawl Cozah ralkap le Arakan Army (AA) hriamtlai raldohnak ruangah Paletwa, Miza le ramri khua tampi ah ralzam (800) leng zong an um I Eidin tirawl kongah harnak an ton lawng silo in Chin mi minung (80) leng tlaihkhih le minung 16 leng an thi cang tiah thawng theih a si.

 

Leave a Commnet

%d bloggers like this: