Paletwa Peng Chin Miphun A Tlau Mi Hna Hi AA Hriamtlai Tiltuah Mi A Si Tiah Khumi (Chin) Nih An Langhter

0

KACC Statement

TCP-Thantlang| 2019 THO 22| Paletwa pengah Chin miphun zeisualnak ngeilo in a tlau mi hna pawl cu AA hriamtlai phu hna an thiltuah mi a si tiah Khumi(Chin) miphun hna nih October 20 ni ah thanhca an chuah.

KACC Statement Page 2

Kawl ralkap le AA hriamtlai i tukdoh nak ruangah Paletwa peng um Chin miphun a tlau mi hna hi June thla in October 15 ni tiang minung15 an si cang tiah thanhca chuahmi ah an langhter.  Mah pin ah a tlau mi hna chungin kum tling lo ngakchia pahnih an i tel pin ah kum 20 tluk nungak pakhat le pa 6, pin ah kum 60 tluk upa hna zong minung pahnih an i tel rih tiah an laghter. “Hi kong cu mithmuh in a si ko. Tan-thaung lei ah thil a caw mi hna cu an kirlei ah AA hrialtlai nih an tlaih peng hna. Minung 5 zong an tlaih hna i minung pahnih an thlah colh hna nain minung 3 cu a tuni tiang an thlah rih hna lo. Cucaah AA thiltuah mi a si ticu a faingtuk mi a si ko, phalh awk zong a tha lo. An tlaih mi hna zong a tuni tiang an thawng pang kan thei hna lo nain him tein chungkhar sin ah an kir than lai ti zumhnak zong an kan ngei ko.” tiah Khumi (Chin)tuanvongeitu  U Saw Mya nih a chim. (Ref: The Voice)

 

About The Author

Na ruahning rak langhter ve.. (Leave a comment)

%d bloggers like this: