Paletwa Peng India-Myanmar Pehtlaihnak Lam A Comi Company Tuanvo Ngeitu AA Nih An Tlaih Hna

TCP-Thantlang| 2019 April 2| Paletwa peng India-Myanmar pehtlaihnak lam a co lio mi Su-Htu-San Company tuanvo ngeitu minung 8 cu March 30 ni ah AA hriamtlai phu nih hramhram in an tlaih hna tiah kan theih.

Company riantuantu hna cu Paletwa peng khuate pakhat ah um hmun khuar in rian an tuan lio March 30 ni an umnak hmun ah AA hriamtlai minung 170 tluk nih an rat hnawh hna caah khuami telh in minung 13 tlaih in an kal pi hna caah riantuannak a dawnh ngai hna.

An tlaih mi minung 13 chungah minung 5 cu April 1 zanlei suimilam 3 tluk ah an thlah than hna nain minung 8 an tang rih. AA ralkap nih an tlaih hna ni March 30 ah Company nih ngeih mi motor pakhat, Cycle 3 le vawlei nornak seh pakhat mei in an khangh piak chap hna.

Atu bantuk in Paletwa peng Kaladan hlei donhnak caah thilri a phurmi tilawng zong March 16 ni ah AA nih an rak kah bal.

AA ralkap nih Paletwa peng Thayakone khuakomh khua hnih chungin sianginn a kai lio mi sianglairuun siangngakchia nu he pa he minung 38 telh in Rakhine ram le kadang mi phun zapi minung 200 tluk cu February 3 ah hramhram in an tlaih hna caah Bangladesh ram lei ah kal pi in an rak pumh khawmh bal hna tiah kan theih.

Ref: The Fity Wave News

Na ruahning rak langhter ve.. (Leave a comment)

%d bloggers like this: