Paletwa peng, January thla chung kahdohnak ah SAC ralkap 16 an thi
The Chinland Post | 2023 February 6 — Chin ramkulh, Paletwa peng ah SAC ralkap le Chin hriamtlai phu hna karlak ah kahdohnak voi 5 a chuak i SAC lei in 16 an thi, tampi an i hliam tiah CDF-Paletwa nih January 4 ah a thanh.
Paletwa peng, CDF-Paletwa B02 nih a tlaihnak hmunhma chung ah a um mi Shinlatwa gate, Khung khua, Shinlatwa le Khung khua karlak ah SAC ralkap le CDF-Paletwa, CNA, CJDC-Special Force phufonh hna karlak ah kahdohnak a chuak i SAC lei in 16 an thi, 15 nak tlawm lo an i hliam tiah an thanh.
Kahdohnak chung in MA-1 zuun 1 an lak khawh i hriamtlai 2 fak ngai in an i hliam. Cun SAC ralkap ruang ah sualnak ngei lo minung 1 a nunnak a liam tiah an langhter.
