Paletwa Peng Ralzaam 6000 Leng Eidin An Har Tuk

0

Hakha- TCP |2018 October 29|  Yakhine ralkap (AA) le Myanmar ralkap kahdohnak ruangah Paletwa peng um ralzaam pawl cu eidin lei an har tuk caah pawngkam khua ah rian kawl in khua an sa tiah kan theih.

“Tu lio hi Chungkhar sin le pawngkam khua hna ah rian kawl i cu riantuan mi te in cun an ei. Biaknak lei nih tlawmpal bawmh mi zong a um ve ko nain hmunkip ah cun an hmu kho lo” tiah Ko Kyaw Aung nih a chim.

Chin ramkulh cozah nih Paletwa ralzaam hna caah an herh ning tein bawmhnak an pek hna tiah Chin ramkulh cozah bu chimnak nawlngeitu Minister U Soe Htet nih Chin World sin ah a chim.

Ko Kyaw Aung nih Chin ramkulh cozah nih ralzaam pawl hi an rak zaamka lawngah bawmhnak a pek hna, tu hi cu cozah lei bawmhnak um ti lo tiah a chim.

Tu lio Paletwa peng Shin Letwa, Miza, Kingtalin le Sinbawngpin hna ah ralzaam hi an um. Chin ramkulh cozah cazin ah ralzaam minung 1331 an um i India ram lei in a rak zaam mi he an dihlak 6000 leng an si tiah an langhter. Ref: Chin World

About The Author

Na ruahning rak langhter ve.. (Leave a comment)

%d bloggers like this: