Paletwa Peng Sami Khua Um Ralzam Hna Caah Dornak Inn 150 Cozah Nih Tawlrelpiak

Sami IDPs Camp Photo- Salai Mang Ghung

TCP-Hakha| 2020 April 7| Chin ramkulh Paletwa peng Kawl Ralkap le Arakan Army (AA) raldoh ruangah Sami khuapi a rak phanmi ralzam hna caah caankarlak dornak caah tiin Chin Ramkulh Cozah nih inn (plastic) 150 a tuahpiak hna tiah thawng kan theih. COVID-19 ruangah zawtnak an ichonhnak hnga lo a bik in hi bantuk kan tawlrelpiakmi hna hi a si.

“Sami khua pawng tiva kam ah hmunhma kan serpiak hna. Nihin ah inn (70) kan sak cang. Inn (80) hi sak ding kan timh cuahmah lio a si. Ralzam hna a bubu in an um ahcun ngandamnak caah ralrin a si caah a tu bantuk in kan tawlrel piakmi hna a si” tiah Vuanci Soe Htet nih a chim

A tulio Sami khuapi ah ralzam inndong (630), milu (2612) an um tiah kan theih I Sami No.1 sang Phungkyi inn, No.2 sang BEHS Lehkung sianginn le mi inn hna ah a tlamtlin ningin hmun hma pek an si.

“World Food Program, Chin Ramkulh Cozah le nunsiang hna bawmhnak thawngin thlakhat ca eidin kan iza nain hnipuan fenh-aih caah kan herh ngai rih ko. WFP nih facang tun 1000, chiti, cite, pe an kan pek, Chin ramkulh Cozah nih inn 150 an kan tuahpiak, plastic muka in pe 100 sau inn pathum li cu an kan sakpiak rih lai. Woe Luh Kyaw Foundation nih thilpuan 2600 cu a kan pek nain kan tlamtling rihlo” tiah People Hope Organization Director U Zaw Li Aung nih a chim.

Relief & Rehabilitation Committee for Chin IDPs cazin ningin tulio Chin ramkulh Paletwa peng ralzam hna cu Paletwa ah inndong (437), milu (1986), Sami khuapi ah inndong (630), milu 2612) an um I a zapi ralzam milu 4598 an tiah theih a si. Rakhine ramkulh zongah Chin umnak peng pa (6) ah Chin ralzam milu (6185) an um tiah theih a si. Ref: Khonumtung

 

Na ruahning rak langhter ve.. (Leave a comment)

%d bloggers like this: