Paletwa Peng Sianginn On Than A Si Cang Nan Saya/Mah 306 An Bau Rih

Kawlram Cozah ralkap le Rakhine hrimatlai AA ralruang ah sianginn khar a tongmi Paletwa Peng sianginn on than a si cang nan saya/mah 306 an bau rih tiah Paletwa peng Fimcawnnak zung U Myo Min nih a chim.

“Khar cangmi sianginn vialte cu onthan an si dih cang nain Peng I a ummi saya/mah te thazang 306 minung kan herh rih ko. Chin ramkulh Cozah sin zongah theihternak le halnak kan tuah cang nain Ramkomh Cozah cunglei theihternak an tuah lio hna kan theih” tiah Peng fimcawn zung bawizik U Myo Min nih a chim.

Kawlram Cozah ralkap le Rakhine hrimatlai AA ralruang ah sianginn 118 khar a si mi cu on than a si nain Saya/mah le siangngakchia milu aa buaktlak lo tuk caah le sianginn thilri, uniform, cafung khedan tbk harnak tampi kan tong tiah a biapeh ah achim. Ref: Chin World