Paletwa peng, Simawa khuapa pakhat nih bomrap aa lamh sual i a ke fak ngai in aa hliam
Chin ramkulh, Paletwa peng, Simawa khuapa pakhat cu September 1 zinglei ah khua pawng lo a kalnak ah bom aa lamh sual i a ke khatlei fak ngai in aa hliam tiah theih a si.
Bom aa lamh sualmi pa hi khua pawng lo ah facang at ding in a kal i khua he furlong 5 aa hlatnak ah bom aa lamh sual i a ke khatlei thahri a cat dih tiah theih a si.
Bom aa lamh sualmi pa cu Paletwa peng sizung ah an kalpi i cubantuk thil a can ruangah khuami hna thinphang in an um tiah theih a si.
A luancia August 24 zongah Abaungtha khuami pakhat cu inn a rak hlam ti lomi a vapa a kawlnak ah bom a lamh sual i a rak thi.
About The Author
