Paletwa Peng Um Ralzaam Hartongmi (IDP) Hna Caah Bawmh Halnak

The Chinland Post| 2019 February 13| A cunglei kong he pehtlai in CCERR le Chin ramkulh chung riantuan CSOs u le nau hna he Paletwa peng ralzaam caah mizapi, Khrihfabu, le hruitu upa hna sin ah 2019 January thla thawk in bawmhhal kan i tim i Hakha peng ah CCERR nih Hakhathar NuBu, Landslide Response Volunteers le Fino Rawl he bawmhhalnak ding tuanvo kan lak.

Chin ramkulh huap in bawmhnak kan hmuhmi cu Paletwa lei IDP caah tuanvo a latu P-CCERR (Paletwa Committee for Emergency Response and Rehabilitation) upa hna sin ah va ap ding kan i tim. Paletwa peng i ralzaam mi hna cu 20151 thok in tutiang, Chin ramkulh Paletwa pengah Tatmadaw le AA (Arakan Army) raltuk ruangah, hartong mi an si. A cheu cu hramhram in thilphorhter (porter) le rian tuanter an tong, a cheu cu meithal kuan le bom (bomb) ruangah hliamh an tong i nunnak a liammi pahnih zong an um. Ral ruangah kan unau 6000 leng cu, Mizoram ah an zam tiah Chin Human Rights Organization (CHRO)3 sin in kan theih.

Cun khua paruk nih an khua ah um ngam loin, Paletwa peng khua dangdang le ramlak ah an zaam tiah Palewta lei u pa hna sin in kan theih ve. Chin ramkulh cozah tang um Disaster Management Department (DMD) nih umnak chuahtakmi mi lu IDPs (Internally Displaced Persons) hi 7034 a si tiah a ti. Asinain June 2017 ah DMD, UN agencies pawl le a dang INGOs (International NGOs) rian tuan ti hna he Paletwa peng ah Rapid Household Assessment kan tuah timi nih milu hi 3000 hrawng tiah a chuak.

2019 January ah AA le Tatmadaw an i tuk thanmi ruang ah hi nak hin innchungkhar in a zaammi an tam dueh chinchin tiah kan theih. CCERR le Chin CSOs u nau hna nih Paletwa hartong i an herh an chambaunak vialte hi tlam kan tlinh lai lo nain, “Chin ramkulh um u le nau hna nih kan lung chung in kan in philh hna lo, nan harnak hi kan in hrawnhpi hna” ti hi kan i tumtah bikmi a si caah nan kan bawmh khawhnak vialte cung ah kan i lawm.

Pekcaan ni khiah: 28 February 2019 tiang
Pehtlaihnak: Biak Mawi Sung (Liaison Officer, CCERR)
Phone: 09253088442 (mobile), 09424289629 (Office)
Ahmun: ပတသ (၁၇၉)၊ ျပည္ေတာ္သာ၊ ဟားခါးၿမိဳ႕၊ ခ်င္းျပည္နယ္။

Upatnak le bochannak he,

Flora Bawi Nei Mawi
Coordinator/Executive Member
Secretariat Office, Yangon, CCERR

Leave a Commnet

%d bloggers like this: