Party Zulhphung A Buar Caah Kayah Ramkulh Chief Minister Dan An Tat Lai

0

TCP-Thantlang| 2018 November 16| Kayah ramkulh cozah Chief Minister U L Paung Sho cu Party zulhphung a buar caah ralrin peknak le dantatnak kan tawlrel lio a si tiah NLD Party chimnak nawlngeitu U Myo Nyunt nih a chim.

Loi-kaw peng RC Khrihfabu hmunhma cu amah pumpak nih a chuh hna timi kongah reportnak a um caah NLD party hna cu meeting kan tuah hnu ah a tubantuk in ralrin peknak le dantatnak in kan tawlrel lai” tiah a cunglei upa nih a chim hi a si.

“Party nih zulh dingmi zulhphung kan ngei. Mizapi he i pehtlaihnak kongah tuah ding le tuahloding kong a um. Hi hmunhma kong cu party upadi ning in tawlrel khawhmi thil a si lo. Kan party chungtel mi nih a dang tein rikhiah mi zulhphung kan ngeihmi chung ri a lawnh caah a tu bantuk in dantatnak tuah kan timhnak cu a si. Hi kongah mi dang zong nih thei ve hna seh” tiah U Myo Nyunt nih a chim.

Chief Minister U L Paung Sho nih RC khrihfabu hmunhma cu amah pumpak hmun si ding in a herhmi catlap pawl cu aa tuah dih hnu ah 2017 May thla ah cu hmunhma cu a theng (set-kyi) in a cawhter mi hna cu zohfelpiak ding in cunglei President sin le NLD party zung ah ca an rak tial. Cu tikah RC Khrihfabu tuanvo ngeitu hna cu Yangon NLD party tuanvo ngeitu hna nih September thla dih lai ah an kawh hna i caankarlak thimnak tuah dih in kan tawlrel te lai tiah RC Khrihfabu lei tuanvo ngeitu Richard Thu Rah Htun nih a chim.

Chief Minister U L Paung Sho nih hin Party zulhphung a dangdang zong a buar len cang tiah U Myo Nyunt nih a chim nain zeibantuk pawl dah an si timi cu a chim kho lo. Asinain, Party sii-kaan (dingrep) lawng a buar caah upadi ningin a buarmi a um lo caah a rian tiangin dinhter timi tu cu a si lai lo” tiah U Myo Nyunt nih a chim.
Hi kongah Chief Minister U L Paung Sho cu pehtlaihnak an tuah nain a cohlang hna lo tiah kan theih.
Ref: RFA

About The Author

Na ruahning rak langhter ve.. (Leave a comment)

%d bloggers like this: