Pawcawmnak Caah Malsawm-Kaan lam Pemhpiak Khuami Nih An Duh

Malsawm/TCP

TCP | 2020 January 23| Hakha Peng Malsawm khuami nih anmah khua facang cinthlaknak, tawreba cinnak le Kawlrawn lei nih phungning lo in Chin ram thing an lakmi kham khawhnak caah Malsawm-Kaan lam lamthing cu pemhpiak than dingin khuami nih an duh.

Hi kong he pehtlai in Malsawm Khuabawi nih “ Malsawm in Meng 15 tluk a hlatnak ah Lei kuang facang, Tawreba kan lak tawnnak hmunhma kaupi a um. Cozah lei nih Lam pemh dingin an rak zoh bal nain atutiang zeihmanh an kan zohpiak than ti lo. Khuami thazang in meng 5 cu kan chunh nain a tangmi meng 10 cu Ke in kalnak lam a si caah Facang zong kan tuan kho tilo. Ahlan ah dong 10 leng an si nain atu hi inn dong donghnih lawng nih vawlei rian an tuan. A dang paoh cu tlanglo kan thlawh. Cucaah Cozah nih lam an kan pemhpiak khawh ahcun Facang le Tawlreba cinnak, Gangaw lei nih an lakmi thing vialte kanmah Chinram caah thathnemnak a chuahpi lai” tiah The Chinland Post ah a chim.

“ 2020 chungah Ngakchia le Khuami lentecelhnak Certual cawh kan itim cuahmah. Cozah zong nih bawm khawhnak dirhmun zong um sehlaw kan duh ko. Tulio NLD Cozah chungah dinti khonnak ti-inn sing 50, mei tuahnak sing 50 le sianginn khuachung lam tihor tuahnak sing 30 an kan bawmh” tiah a biapeh ah a chim.  Malsawm cu Hakha Peng Zokhua area ummi inn 50, minung 285 fai khua asami an si.+++

 

Na ruahning rak langhter ve.. (Leave a comment)

%d bloggers like this: