PDF chungtel minung 9 SAC ralkap nih a tlaih hna

The Chinland Post | 2022 April 8 – People Defense Force (PDF) chungtel a simi Ko Soe Win Naing @ Khaw Khaw le Ma Phoe Pwint Phyo telh in @ Naw Phu telh in minung 9 cu SAC ralkap nih an tlaih hna i biahalnak an tuah hna tiah Myawaddy palik sakhaan in theih a si.

April 6 zaanlei sml 8:30pm ah SAC ralkap Captain Phone Naing Kyaw le Captain Aung Pyo Thu hruaimi phu, Myawaddy peng palik bawi Myo Min Zaw,  Border Police Officer Win Nyunt Aung hruaimi phu, BGF 1017 Major Saw DiDi hruaimi phu nih Myawaddy No. 4 sang, Asia lannlan le Aungmay shwebone lamki ah a ummi inn cu an luhhnawh hna i Ko Saw Win, Ma Phoe Pwint Phyo telh in minung 9 kan tlaih khawh hna tiah palik cathanh nih a langhter.

SAC ralkap nih Ko Soe Win Naing, Ma Phoe Pwint Phyo hna cu Tinkanngyinaung ah an an tlaih hna i ralkap in Captain Phone Naing Kyaw nih biahalnak a ngeih hna.

Ko Khiang Lin Zaw, Ko Ye Zaw Htun, Ko Saw Chian Myae Aung, Ko Pyi Thein Htut, Ko Akar Min, Ko Ye Lin Oo, Ko Nay Lin Htun hna cu Myawaddy SAC ralkap nih an tlaihnak i biahalnak an ngeih hna tiah theih a si.

Ko Soe Win Naing le sii-aii thlopnak ah a hmanmi a thilri pawl kan tlaih chih khawh tiah Palik cathanh ah aa tel.

Ref: Khit Thit Media

Na ruahning rak langhter ve.. (Leave a comment)

%d bloggers like this: