PDF Kalay dirhnak le tangrual hawi he raldohnak; Voi 41 kahdohnak ah 219 an thah hna
Post Staff | 2022 February 2 — Ralhrang ralkap (SAC) dohnak ah Mipi ralkap (People’s Defence Force) cu National Unity Government (NUG) cozah hruainak in 2021 kum May (5) PDF cu dirh a si.
NUG hruinak tang ah Kalay peng chung hriamtlai in dohthlennak bu dirh ding tiah mipi caihhmainak ngeih hnu ah People’s Defence Force-PDF , (PDF Kalay) cu 2021 kum May (24) ah dirh a si.
Nihin PDF Kalay ah Kalay peng chung ummi (Zomi PDF battalion telh in) Battalion (9) tiang a um. Myanmar ram nitlak lei ralram uknak bu pi (Western Military Commands) tang he pehtlai in raltuk thiamnak training cawn in ralhram Ralhrang ralkap (SAC phu) he dohnak a tuah cuahmah. Peng chung raldohnak le cawlcanghnak ah a thawngchim nak hnga tiah Chin National Organization/Chin National Defense Force (CNO/CNDF) le Zomi Federal Union/PDF Zoland (ZFU/PDF-Zoland) hna le tanrual hawikom sernak ah Chin National Army (CNA), Civic Defense Militia, Siyin (CDM-Siyin), Chinland Defense Force, Kalay-Gabaw-Gangaw (CDF-KKG), Ranger Kalay Defend Force (RKDF), People Defense Association – PDA (Zogam Army), Zo Defence Force, YDF he tan ti in dohthlenak ah a tel mi bu kip hna komh in Khua/mi he hmunkhat ah raldoh ti nak an ngei.
PDF Kalay dirh hramthok nak 2021 kum May thla in ralhrang ralkap (SAC) he thla fatein raldohnak a um i, 2022 January thla tiang ah ralhrang lei minung 200 hlei an thi cang. PDF Kalay lei in Mipi ralkap 20 hlei zong ram caah an nunnak an pek.
PDF(Kalay) Le Ralhrang Dohnak Sining
| Raldohnak a voi (Bomb) hmang in dohak | Ralhrang a thi mi | PDF Kalay in nunnak a liam mi (Bomb puak sualnak) | |
| May 2021 | 1 | 2 | |
| June 2021 | 3 | 13 | |
| July 2021 | 3 | 27 | 2 |
| August 2021 | 1 | 3 | |
| September 2021 | 9 | 28 | 2 |
| October2021 | 8 | 35 | 1 |
| November 2021 | 8 | 51 | 10 |
| December 2021 | 6 | 51 | 5 |
| January 2022 | 2 | 9 | 1 |
| Dihlak fonh | 41 | 219 | 21 |
Kalaymyo peng kahdohnak ah Ralhrang SAC nih Mipi a that mi hna le Inn a hrawh mi
| Kahdohnak ah Ralhrang (SAC) nih Mipi a thah mi | 36 |
| Ralhrang (SAC) nih Inn hrawh mi dihlak | 109 |
Peng chung runvennak
Nihin ni tiang ah Kalaymyo khuachung ah veng/sang 21 ah ralhrang ralkap (SAC) uk mi ah an um rih. Nain, Khualeng/khuate lei ah cun ralhrang le PDF kaphnih in uk mi tiah chim awk a tha rih lo dirhmun ah an um. Mipi ralkap lei in ukmi khua an tlai dih rih lo. Natein Kalaymyo peng chung Khuakomh (Ohsuh/village tract) ah zatuak 70 (Khuate dihlak 100 hlei) cu PDF thazaang a thawngnak hmun a si cang.
PDF Kalay thazaang a thawngnak ah khua runvennak caah dirhmi Kalay Police Service zong nih PDF he komh in tuanvo a lak.
Mipi zohkhenhnak pakhat ah CDM ngandamnak lei riantuan mi hna le PDF Kalay komh in ngandamnak lei zohkhenhnak (Health Facility) hmun hnih dirh in mipi ngandamnak lei zohkhenh a si cang.
Cc: PDF Kalay, 2022 February 1 cathanhnak chung in lak mi a si – Catialtu
About The Author
