PDF-Kalay nih SAC ralkap nihnih chung bom an puah hna, SAC ralkap a thimi an um
The Chinland Post | 2022 August 31 – Sagaing ramṭhen, Kalay peng ah SAC ralkap le SAC ralkap mawṭaw pawl bom puah hnawh an tong i a thimi an um bantukin mawṭaw cheukhat zong a rawk tiah Kalay peng mipi uknak phu nih a thanh.
August 29 le August 30 ah SAC ralkap pawl ni 2 chung an doh hna i a si.
August 29 zaanlei zongah Kalay peng Si khua palek sakhaan in SAC ralkap 20 hrawng khua thlanglei an kal kal lioah PDF-Kalay nih bom an puah hnawh hna i SAC ralkap pawl ṭih le phang in an zaam hnu Si khua palek sakhaan pawng an phak ah PDF-Kalay nih bom an puah hnawh ṭhan hna.
Bom puahnak voi 2 chungah SAC ralkap 2 an thi i 4 an i hliam tiah thawng theih a si.
Cun August 30 zinglei ah Kalay peng thlanglei ah SAC ralkap mawṭaw 5 cu Kantha in Tamu lei ah an kal i Kanhla khua chaklei tlor thing dum pawngah PDF-Kalay le khuami hriamtlai phu pawl nih bom an puah hnawh hna tiah a langhter.
Bom puah hnawh ruangah mawṭaw pakhat hor chungah a tla i a dang pakhat bom nih a khen i a rawk tiah an thanh.
About The Author
