PDF Pawl Nih An Tlaihnak Shwe Pyi Aye Ah Kahdohnak A Fak
The Chinland Post | 2024 January 29 — PDF pawl nih an tlaihnak Shwe Pyi Aye khua cu January 26 thawk in ralkap lei nih van lei le vawlei lei bawm in kahdohnak a tuah caah kaphhnih karlak kahdohnak a fak tiah PDF cheukhat nih People’s Spring ah an chim.
“Ralkap thazang 150 hrawng, SNA 150 hrawng an rak lut. Cu lio ah Shwe Pyi Aye khua cu vanlawng nih bom a rak thlak. Khuapi ning in a rawk. Kahdohnak zong a fak” tiah PDF chungtel 1 nih People’s Spring ah a chim.
Sagaing ramṭhen, Shwe Pyi Aye khua a tlaitu PDF pawl cu ralkap nih January 26 zing lei ah vanlawng in bom tampi a thlak i vawlei lei zong in kahdohnak a tuah hi a si tiah theih a si.
