Pekon kahdohnak ah KNDF hriamtlai 11 an thi, SAC ralkap 40 leng an thi ve

The Chinland Post | 2022 July 6 – Karen le Shan aa tonnak, July 4 Pekon ah a cangmi kahdohnak ah SAC ralkap 40 leng an thi i KNDF phufonh lei in hriamtlai 11 an nunnak a liam tiah KNDF nih a thanh.

June 4, zinglei sml 5:00am ah Pekon peng Kungsone le Lwepata khuapawng ah a ummi SAC sakhaan le Shwepiaye pawng SAC sakhaan cu KA, KNDF, Pekon PDF nih an kah hna i kaphnih kar kahdohnak a fak. SAC lwepata sakhaan cu lak deng a si ko nain hriamngan tamtuk a hman ruang le thazang a tlukruan lo tuk caah mipi hriamtlai phufomh nih chun ah an kirtak hna.

Kahdohnak chungah SAC ralkap 40 leng an thi, hliamhma a tuarmi an tam i phufonh lei in minung 11 nih ram le miphun caah an nunnak an pek tiah KNDF nih a thanh.

Na ruahning rak langhter ve.. (Leave a comment)

%d bloggers like this: