July 25, 2024

Pekon Ni Tlaklei Ni 10 Leng Kahdohnak Ah Ralbawi Telh In Tampi An Thi

0

The Chinland Post | 2023 June 16 — Karen ram, Pekon ni tlaklei, Kaungih khua pawnghrawng ah June thla 3-13 tiang a cang mi ni 10 leng kahdohnak chung ah SAC lei in ralbawi 1 telh in tampi an thi tiah Pekon PDF nih June 14 ah an thanh.

SAC Brigade 66 kuttang Battalion pawl nih Pekon peng, Kaungih khuate le Setdaw khuate hna ah an rak luh caah PDF, KNDF phu hna he kahdohnak a chuak tiah an langhter.

“SAC ralkap bo 3 bawi pakhat aa tel. Atu zong kahdohnak a um peng rih” tiah Pekon PDF B1002 nih an thanh.

Kahdohnak chung ah SAC ralkap nih hriamngan voi tampi an kah caah PDF chungtel 2 an nunnak a liam i hriamtlai cheukhat zong an i hliam tiah Pekon PDF nih an thanh.

Cun SAC ralkap pawl sin in meithal zuun 2 le kuanzen pawl zong kan lak khawh tiah Pekon PDF nih an langhter.

Ni 10 chung kahdohnak ah SAC lei 27 an thi tiah Pekon PDF nih an langhter.

About The Author

Na ruahning rak langhter ve.. (Leave a comment)