Pensen Thlahlawh Bank Kal Hau Lo In Wave Money Ah Tangka Chuah Khawh A Si Cang Lai
TCP-Kalay| 2019 April 5| Myanmar Sipuazi bank ah pensen thlahlawh chuahlak tikah can saupi hngah hau tilo in Wave Money a umnak paoh ah tangka chuah khawh a si cang lai.
Cuti tangka chuah khawhnak ding ah;
- Myanmar Sipuazi bank ah form (sohhlua) na lak lai. Zeibantuk phone Sim card paoh nih pensen thlahlawh ei Wave Money Account cu a lak in onpiak a si lai.
- Na pensen Wave Money account na hman khawhnak ding ah na na soknak catlap (sohhlua) ah form fill-up na tuah mi cu Myanmar Sipuazi bank ah na pek than lai.
- Tangka na chuah khawhnak ding ah na ngeihnak Wave Money dawr ah na kal lai. Na Wave Money Account number le tangka na chuah duh zat na chimh hna lai.
- Na Wave account ah nangmah lawng theih dingmi number vun tial tiah message a vun lut lai i mah tikah na duhmi number na tial lai i na message lutmi ah na kuat than lai. Tangka na chuah khawh hnu ah na thil tuahmi aa lim ko tiah message ca a vun lut than te lai.
- Myanmar ram chung um Wave Money dawr paoh ah tangka chuah khawh a si lai tiah wave money nih thawngthanhnak a tuah.