Phakanh Ah Vawlei Cim Ding Hmun 6 A Um Caah Lung Kawl Rih Lo Ding In An Phih
Salai CungCung|2019 July|Phakanh ah vawlei a cim kho tiah zumh mi hmun tihnung hmun 6 a um caah June-Sepember thlachung kan phih tiah Kachin Ramkulh Thingram pawngkam lei Vuanci Dasi Lasai nih a chim.
Ramkulh Thingram pawngkam lei Vuanci Dasi Lasai nih July 27 thawk in chekfelnak I “Tih nung tiah kan ruah mi hmun pawl ah lung mansung kawl lo ding in nawl kan pek hna. Cun chekfel tu ding ah minung zong kan chiah hna cun mipi nih lunghrin kawl lo ding in ca zong kan tar dih. Cu ca tar ko nain lung a kawl than mi hmuh ah cun dantak an si lai ” tiah a chim.
July 28 ah Phakanh lung mansung kawlnak hmun ah tlang a cim caah palek minung pa 3 le company riantuantu minung 15 zong an thi cang tiah kan theih. Cu a thi mi hna chung ah minung 13 ruak lawng an hmuh rih i a dang cu an kawl lio pi hna a si tiah khuami nih an chim. Phakanh ah Lung mansung an cawh ruangah vawlei a cimh hi tukum ah voi (5) tluk achuak cang i hliamhma tuar in a thi minung 54 an si cang. 2018 October in 2019 June tiang kokek ral ruang ah a thi mi minung 150 an si cang tiah khuami zatlangbu sin in kan theih. Ref.7Day
