Phakant Ah Ralbawi Pawl Ziknawh Eihmuarnak Ruangah An Rian An Dinhter Hna

0

Salai Aung Aung| 2018 May 23| Cozah nih cawhnak nawl a pek ti lomi lungkhor kha ziknawh lak in cawhnak nawl a petu ralkap bawi pawl an rian in an dinhter hna i a herh sual i bawmchantu dingah chiahmi dirhmun an thial hna tiah theih a si.

NLD cozah nih a min chia ngaimi Myanmar Lungmansung laknak rian kha rengh in 2016 thawk khan lungkhor cawh ti lo ding in an kham. Cucu ralbawi pawl nih ziknawk lak in cawhnak nawl an onh hna caah Kachin ramkulh pyithu hluttaw palai nih ramkomh hluttaw ah voithum tiang a chuahpi hnu ah chekhlatnak an tuah hna i atu bantuk in rian in an dinhter hna nak hi a si.

“Tuannak nawl onh ti lomi khor pawl kha an tuan caah khuami nih an report hna. Kan hlat tikah ralbawi le company pawl i hrawm in an eihmuarmi a si. Sing za leng an nawh hna. Keimah zong nih ka hmuh. Ka hmuhmi a si tikah Minister sinah ka ka in voithum tiang ka chim” tiah Pyithu Hluttaw palai pakhat nih a chim.

2015 ah khan Global Witness nih Myanmar lungman sung kong i ca an chuahmi ah, kumkhat chung lungman sung in hmuhmi tangka hi USD billion 31 a si i cu vialte cu ngunkhuai liam loin ralkap bawi he aa pehtlai deuhmi mirum pawl kut ah a phan dih tiah an langhter. Phakant i lungman sung hi Kachin ramkulh chung raltuknak a ruang tampi lakah aa telmi vemi a si.

Hluttaw palai U Tin Soe nih, “2008 phunghram ning in ralkap nih hin rammi hi a kan runven ding a tuanvo a si. Asinain a tu cu Tuluk mirum pawl tu an runven hna i kanmah Kachin miphun le tlangcung miphun dang pawl nih cun lungkhor cu a naih hmanh naih khawh a si lo” tiah a chim.

Hi kong hi anmah ralkap sakhan ah thawng kan hal hna tikah tuanvo ngei ralbawi a um lo caah kan pehtlaih khawhmi ralbawi niam deuh nih thil sining fiang in ka theihmi a um lo a kan ti tiah Irrawaddy Media nih an tial.
Ref: Irrawaddy

About The Author

Na ruahning rak langhter ve.. (Leave a comment)

%d bloggers like this: