Philippine Siangngakchia Nih Degree Lak Khawhnak Ah Thingkung 10 Cin A Hau
TCP-Kalay| 2019 June 5| Philippine ram ah Siangsangrun le college siangngakchia vialte ah mi pakhat nih a tlawmbik thingkung 10 cin lawng ah degree pek a si cang lai tiah hluttaw nih upadi thar an fehter mi nih vawlei cung ni khua aa thlen cuahmah lio ah thathmennak tampi a chuah pi lai ti hi an zumh.
Upadi thar ning te in mipi nih an zulh khawh dih ah cun thingkung billion 525 cin cia bantuk a si cang tiah an chim.
“Siangniamrun siangngakchia million 12, Siangsangrun ah sing 5 hlei, College degree la ding mi sing 5 hlei kum fatein an um. Mah vialte nih upadi thar an zulh ah cun kum fatein million 175 cin cia bantuk a si ko lai tiah upadi thar tialtu Magdalo Party MP Gary Alejano nih a chim.
Chanthar mino nih an zulh tak ah cun thingkung billion 525 nak tam kan cin khawh lai. Mah thingkung chung in zatuak 10 a nun ah cun mino nih thingkung an cin mi 525 Million a nung kho ko lai ti a chim tiah CNN Philippines thawngzamhnak ah a chim.
Philiippine cu vawlei cung thingkung hau tam cem ram pakhat ah aa tel ve i zabu 20 chung ah thingkung umnak zatuak 70 in zatuak 20 a tla. Thingkung a um ti lonak hmun cheukhat ah Ti lianhnak le vawlei cimh a tam ngai ko tiah theih a si.
About The Author
